“Vai ser boa!” é un espectáculo baseado no libro-disco “Pan de millo”, editado pola Editorial Kalandraka e coa produción musical a cargo de Paulo Nogueira e Magoia Bodega, do grupo Treixadura. Nel combínanse cancións con accións dramáticas relacionadas coa súa temática. Os temas musicais que se interpretan son: “Pinocho”, “O espantallo divertido”, “Eu teño un canciño”, “Unha vella tiña un can”, “Miña “Abuela Manuela”” e Pan de millo
A música está gravada (toca unha banda de pulgas) mais as voces solistas son en vivo. Os temas que se tratan, entre outros, son: a importancia da relación entre avós e netos; a transmisión da lingua, dos ditos e das cancións tradicionais; o coidado das mascotas; o coñecemento e respecto da natureza; a colaboración fronte á competición, etc.
Idioma: galego
- Público preferente: infantil e familiar
- Xénero: comedia e canción infantil
Ficha artística
Guión e dirección: María Campos e Carlos Yus
Elenco
- Panadeiro: Carlos Yus
- Panadeira: María Campos
- Músicos: Banda das pulgas
- Música:
- Paulo Nogueira, Magoia Bodega
- María Campos e Carlos Yus
- Escenografía: María Campos
- Técnica de luz e son: Alba Tamara
- Vestiario: Celsa Cabaleiro
No hay comentarios:
Publicar un comentario